گنه گلدیم بو جهنم خانیا
یارب اوزون گور
اوریم اوت توتوب هر لحظه یانان لحظه ده بیر لحظه سوزون گور
اوزون آگه سن اورحدن
اوزون آگه سن حالمنان
آز قالیر آه لی نفس لر
کوچلر دردلی جانمنان

سخلر سینه ده قلبیم اوچا بیلمیر بو قفسدن
چرپنر سرچه اوری تک اوریم جان گدیر الدن
البیل قانماز اوشاق بوللی هوسدن
ال سالب کهنه دورا چارتاغینا
اچه گزی گویلی خوش اولسون
اله بیل اوغری گلیب
یوخدی بی شی
جان آپاری
تورباسی دولسون
البیل بیر آنانون تک اوغولی
لاپدان اولوب
چرخ فلک نیشه لی اولسون
البیل یایدا یاغب قار
آند ایچیب
ترگولومون غونجاسی سولسون
کوچلر کوهنه خرابات کوچکسی
پنجره لر میله لی زندان
دام دووار ال اله ورمیش
آپارر جان
کوچلر توزلودی غمدن
البیل هچ زامان
هچ معشوقا
عاشق
یتیشه بیلمی ازلدن
بله قانوندی اولدن
هره بیر یرده یانی ال چکه بیلمی بی گوزلدن
البیل داملار اوچوب
خوش نفس
تورپاخدا قالبدور
سینه لر کوز کیمین هر لحظه بیر حسرت یانب دور
دیریوک اما جانی عزراییل اولدن آلیبدور
درد گلیب بیر قوری جاندا ابدی لانه سالبدور
شیشه لر شلتاق آتیلار
دامار اوستوننده گزیلر
گوزومون آغ قارسندان
بله سرعت سوزیلر
دیلیم اوستونده اولوم کلمه سینی کفله دوزیلر
اوریم اوتی قازان تک
دولور هر دم
جوشور هر لحظه کی
بیر قانلی نفس
آغزما گلجک
البیل هر نفسیم خلق اولونوب باغرمی دلسون
گونلریم ده یارنبلار گونی گوندن یاوا گلسون
نیمیش عشق
نیمیش عشق خدایا
قدرتیم یوخ دورام آیغا
دایانام آیغا بی دایقا
ال آیاغ زنجیر اولوب یرده
داها بیر نفسیم یوخ
علاجیم گیزلنیب آما
درد اله گورسنیلیر چوخ
بو اورح تصمیمینی باش آتا بیملی
جوشور احساس اوقدر منطق اونا هچ چاتا بیلمی
نه دییم خاطر لردن
توخان گوزلریم او شهلا گوزون لحظه لریندن
اوریم جوشه گلیب بیر باخشندان او گوزندن
گوزنون آغ قارسندان
سوسیان تک سو ایچندن
اوریمده قوری بیر سرو آغاجی ریشه وراندا
گورندن
قلبیم او لحظه کی اوشدی
عشقه خاطر سوینندن
جانمون گوشه لریندن
ال اوزندن
جانمی بی تیکه ات تک
بوشلایب اونلا گدندن
اولمشام بیر دلی کی
عاقلی چاشبدور
اله بیل
قبری قازان تک
اوزونه قبری قازبدور
اولوب اما ننه سیز
خردا صاغر تک
هچ بله آغلینام یوخ
دردمی بیر دفعه دوشونوب
من بل باغلینام یوخ
قلبیم هی سسلنی آما
زارا گلمیش فیکیرمده
بیقوشام کوهنه دواردا
خارابا قالمش اویمده
نیمیش عشق خدایا
نیمیش عشق خدایا.

✍: نادر احدزاده